नेपाली हास्यव्यङ्ग्य अनलाइन पत्रिका

बैंक, सहकारी, र लघुवित्तले
गरिब बढाएका छैनन्,
बरु घटाइरहेका छन्;
र,
गरिबी घटाएका छैनन्,
बरु बढाइरहेका छन् अरे !

स्कुल/कलेजले
आफ्ना सन्तान पढाउन
महिनैपिच्छे बिल पठाइरहेका छन्;
र,
तिनका बा-आमालाई
तिनै बैंक, सहकारी र लघुवित्तबाटै
ऋण कढाइरहेका छन्;
र, बदलामा,-
विदेशका लागि
जनशक्ति उत्पादन गर्न
स्वदेशमा काम नलाग्ने पाठ्यक्रम
दशकौंसम्म पढाइरहेका छन् अरे ।

अनि,
स्वास्थ्य संस्थाले
भिखमङ्गा नबनाउञ्जेल
विरामी त सडाउँछन्-सडाउँछन्-
कुरुवासमेत सडाइरहेका छन् अरे ।

हो कि होइन, बुझौं त ब्रो !

०००
भक्तपुर