नेपाली हास्यव्यङ्ग्य अनलाइन पत्रिका

सुदर्शन कट्टेल :

आज शनिबार भएकोले सुताइमा साबिकभन्दा २ घण्टा बढी ओ.टी. हानियाे !

ओ.टी. चलिरहँदा सपना देखियो !
एउटा चाइनिज, एउटा जापानिज र म तीन जना ट्रेकिङ गर्दागर्दै कैलाश पर्वत स्थित शिवालय अगाडि पुगेछाैं !
द्वारेले भक्त भन्ठानेर हामीलाई जानकारी दियो,-
“के माग्न आएका ? लाइनमा लाग ! यहाँ शिवजीले भक्तहरुलाई वान-टु-वान दर्शन दिनुहुन्छ !”

चाइनिजकाे पालाे पहिला आयाे, साेध्याे,-
“भगवान् ! मेराे देशले भ्रष्टाचारबाट कहिले मुक्ति पाऊला ?”
शिवजी बाेले, “पाँच दशक लाग्छ !”

चार दशकमा हिँडिरहेकाे चाइनिजका चिम्से आँखा आँसुले भरिए !

त्यसपछि जापानिजकाे पालाे आयाे ! उसले पनि त्यही प्रश्न साेध्याे,-
“भगवान ! मेरो देशमा भ्रष्टाचार कहिले समाप्त हाेला ?”
शिवजीले भने- “चार दशक लाग्छ !”
हिजो मात्रै ७०औं बर्थ डे मनाएकाे जापानिजकाे आँखामा पनि आँसु जम्याे !

लास्टमा मेराे पालाे आयो !
मैले पनि टाउको निहुर्याएर अदबका साथ त्यही प्रश्न साेधें !
निकैबेरसम्म शिवजीकाे कुनै उत्तर आएन, कुनै आवाज पनि सुनिनँ !
किन हाेला भनेर डराइ-डराइकन शिवजीकाे अनुहारतिर आँखा लगाएँ !

बुढा त आफैं पाे बलिन्द्र धारा आँसु चुहाइरहेका रहेछन् !
त्याे अघिकाे द्वारे चाहिँ तलबाट आरी पाे थापिरहेकाे रहेछ ! हैट ! कस्ताे सपना ??

०००
भक्तपुर