अमर सन्ततितीन ठोक्तक
हिंसाको बाटो रोजी जनयुद्ध लड्नेहरू देख्यौँ चिन्यौँ आज राम्रै धनयुद्ध लड्नेहरू समानताको कुरा गर्थे, देशभक्तिको गीत गाउँथे, कहाँ गए क्रान्तिकारी सुरुङ युद्ध लड्नेहरू ?
अमर सन्तति :
१.
नाका अनि एयरपोर्टका भन्सारमा छ दसैँ
अगुवाका आफन्त र ठूला धन्सारमा छ दसैँ
गरिबको झुपडीमा पसेको छ केवल दशा ,
कालाबजारी, तस्करीको संसारमा छ दसैँ
२.
यहाँ पैसामा इमान, पद, यश विक्रीमा छ
यहाँ पैसामा धर्म, भाषा, भेष विक्रीमा छ
विक्रेताहरू यति निर्लज्ज र लालची छन् कि !
यहाँ पैसामा स्वाभिमान र देश विक्रीमा छ ।
३.
हिंसाको बाटो रोजी जनयुद्ध लड्नेहरू
देख्यौँ चिन्यौँ आज राम्रै धनयुद्ध लड्नेहरू
समानताको कुरा गर्थे, देशभक्तिको गीत गाउँथे,
कहाँ गए क्रान्तिकारी सुरुङ युद्ध लड्नेहरू ?
०००
रामेछाप
हाल – भक्तपुर
