दुई नेत्र तीन दृष्टि
सोचाईमा कलुषित भावना जागेपछि आफूप्रति जनताको विश्वास भागेपछि साबुनले चेहरा धोएर के गर्नु साथी ? दिलभित्रनै मयलको चाङ लागेपछि।
तीर्थराज अधिकारी :
१.
कहिले जुटेका छन कहिले फुटेका छन्
जनतालाई चिउरा कुटेझैँ कुटेका छन्
यो त खुला जबर्जस्ती भएन र हजुर ?
नादिर शाहले दिल्ली लुटेझैँ लुटेका छन्।
२.
कुनै बन्द छन कुनै ढोका खुलेका छन्
कुनैबाट आफ्नालाई भित्र हुलेका छन्
क्या मस्तीछ ! जनआवाज पुग्दैन त्यहाँ
कुनै निदाएका छन कुनै झुलेका छन् ।
३.
सोचाईमा कलुषित भावना जागेपछि
आफूप्रति जनताको विश्वास भागेपछि
साबुनले चेहरा धोएर के गर्नु साथी ?
दिलभित्रनै मयलको चाङ लागेपछि।
०००
पोखरा १०, हाल- संयुक्त राज्य अमेरिका।