नेपाली हास्यव्यङ्ग्य अनलाइन पत्रिका

तीर्थराज अधिकारी :

१.
कि मेरो दिमाग भरि हिलो छ
कि यो भूतलनै गिलो छ-
किन त जहाँ टेके पनि पैह्रो जाने ?
कि मेरो पद चापनै दम्किलो छ ?

२.
न म कसैको थैलीमा छु, न गोजीमा छु
जीवन्त जीवन आफैँ जिउने रोजीमा छु
खान तलासी लिएर कतै नखोज मलाई
म त एउटा मौलिक मनको खोजीमा छु।

३.
बहाना होइन हामीलाई बाटो चाहियो
हाम्रो अमूल्य मतदानको साटो चाहियो
शासक फेरिनु मात्र परिवर्तन हो र साथी ?
उज्ज्वल भविष्य देखिने पृथक पाटो चाहियो।

०००
पोखरा- १०, हाल संयुक्त राज्य अमेरिका