नेपाली हास्यव्यङ्ग्य अनलाइन पत्रिका

रुद्र ज्ञवाली :

१.
चेहरा बदलियो तर डस्ने दारा उस्तै छ
झुट्टा आश्वासन भाषण र नारा उस्तै छ
व्यवस्था फेरियो फेरिए कानुन संविधान
सत्तामा बस्नेको चालचलन पारा उस्तै छ ।

२.
अभरमा मान्छे आफ्नै छायासँग डराउँदो रहेछ
बलवान रहेछ समयले सबथोक गराउँदो रहेछ
बिनास्वार्थ अन्त्यसम्म साथ दिन्छ भन्थे छायाँले
कालो रातले छोपेपछि छाया पनि हराउँदो रहेछ ।

३.
आँखा बिझाउन निम्ति कसिङ्गर या कण चाहिन्न
धन हुनेको हाईहाई हुन्छ असल आचरण चाहिन्न
चिल्लो नघस्नुस् अथवा झुट्टो प्रशंसा मात्रै नगर्नुस्
आफन्त टेढिन झगडा अथवा अरु कारण चाहिन्न ।

०००
भैरहवा