नेपाली हास्यव्यङ्ग्य अनलाइन पत्रिका

अमर सन्तति :

१.
हरक्षेत्रमा मान्छेको दाउपेच हुन्छ
सानो कुरामा पनि घोचपेच हुन्छ
कति स्वार्थी भो अचेल यो दुनियाँ !
माया पनि पैसामा किनबेच हुन्छ ।

२.
दासवृत्तिले ठाडो झर्यो शिर आज
बडावीरका सन्तान भयो बिर आज
बन्यो द्रव्य पिचास लोभी र स्वार्थी,
यो माटो के होला ! बढ्यो पीर आज ।

३.
बाङ्गो जोगाई सोझोचाहिँ उखेलिन्छ बोट
मूसाले खान्छ धान, भ्यागुतालाई दिन्छ चोट
न्याय भन्ने कतै छैन कस्तो आयो जमाना यो !
इमानलाई पाता फर्काई अघि सरिदिन्छ नोट ।

०००
रामेछाप, हाल भक्तपुर