कविराज घिमिरेवृद्धको महत्त्व र कर्तव्य
बाटो नदेख्ने जनका निमित्त बनेर राँको सबनिम्ति एक उद्बोधकर्ता जब वृद्ध बन्छ पुजिन्छ यो लोकबिसे अनन्त ।।
कविराज घिमिरे :
“न सा सभा यत्र न सन्ति वृद्धा:
वृद्धा: न ते ये नवदन्ति धर्मम्
धर्मो न वै यत्र च नास्ति सत्यम्
सत्यम् न तद् यच्छलनानुविद्धम्” ।। ॐ
छैनन् जहाँ वृद्ध सभा कहिन्नन्
असत्य बोले पनि वृद्ध हुन्नन्
त्यो धर्म के काम रहन्न सत्य
त्यो सत्य मानिन्न हुँदा कुकृत्य ।। १
जेठाहरूले प्रिय कर्म गर्दा
कान्छाहरू बन्नसकेर उम्दा
रहन्न आलस्य तथा नराम्रो
भूस्वर्ग नेपाल हुनेछ हाम्रो ।। २
छ वृद्धमा धर्म भने पुकार्छन्
पाखापखेरा पनि हाँस्न थाल्छन्
छोडेर आफ्नो पन वृद्ध भागे
मासिन्छ सिद्धान्तबिसे नलागे ।। ३
कपाल कालो जसको फुलेर
ऊ वृद्ध बन्दैन अवश्य हेर
चाहिन्छ सत्पात्र विवेकशाली
हिँड्ने छ पक्कै अनि पो उकाली ।। ४
बाटो नदेख्ने जनका निमित्त
बनेर राँको सबनिम्ति एक
उद्बोधकर्ता जब वृद्ध बन्छ
पुजिन्छ यो लोकबिसे अनन्त ।। ५
०००
भक्तपुर
हार्दिक आभार दाजु