बिन्दु दहाल ‘मूकदर्शक’स्वभाव
म ब्रह्म जगत् को ठुलो शक्ति माली म पार्टी हुँ एक्लै अरू हन्तकाली । म सत्ता सबैको म नै राजधानी सबै रात जस्ता म मात्रै बिहानी दफा ऐन सारा पढुन् लौ मलाई म नै गर्छु सारा धराको भलाई ।
म जान्ने म बाठो म नै कर्मयोगी
म विद्वान् चनाखो अरू तुच्छ जोगी
म राम्रो सुमार्गी म नै धैर्यशाली
म नै पूणर् मान्छे अरू नग्न खाली ।
म नै सभ्य जाती म नै श्रेष्ठ आहा
बिगार्छन् अरूले सधैँ हुन्छ स्वाहा
म नेपाल पारूँ सधैँ भन्छु राम्रो
अरू काम गर्छन् नराम्रै नराम्रो ।
अरू चोर डाका सबै खन्चुवा छन्
गफाडी हरामी अझै धूर्त झन् झन्
सधैँ जाल थाप्छन् ढुकी मार्ग गौँडा
महान् मै छु मान्छे भए अन्य छौँडा ।
उज्यालो म मात्रै सबै छन् अँध्यारा
म नै मूल हुन् तिर्तिरे अन्य धारा
म ब्रह्म जगत् को ठुलो शक्ति माली
म पार्टी हुँ एक्लै अरू हन्तकाली ।
म सत्ता सबैको म नै राजधानी
सबै रात जस्ता म मात्रै बिहानी
दफा ऐन सारा पढुन् लौ मलाई
म नै गर्छु सारा धराको भलाई ।
दमक, झापा
Subscribe
Login
0 Comments
Oldest
