नेपाली हास्यव्यङ्ग्य अनलाइन पत्रिका

नयाँ वाद ल्यायौँ भन्यौ तन्त्र नौलो
पुरानै छ चाला जप्यौ मन्त्र नौलो ।
विनाप्राप्ति बाँच्यौँ बडा खिन्न लाग्यो
प्रजातन्त्रको कन्धनी छिन्न लाग्यो ।।१।

थिए एक राजा सयौँ जन्मिँदै छन्
चुसी राष्ट्रलाई महान् सम्झिँदै छन् ।
भुल्यो दीनदुःखी सुखी चिन्न लाग्यो
प्रजातन्त्रको कन्धनी छिन्न लाग्यो ।।२।

नयाँ पात छैनन् पुराना झरेछन्
थियो आस बाँकी सबै ती मरेछन् ।
हिजोअस्ति भन्दा झनै भिन्न लाग्यो
प्रजातन्त्रको कन्धनी छिन्न लाग्यो ।।३।

कसौँ कस्न गाह्रो पयो फुस्किँदै छ
भयो जीणर् डोरी त्यसै मच्चिँदै छ ।
मर्‍यो राज्यमा न्याय पाइन्न लाग्यो
प्रजातन्त्रको कन्धनी छिन्न लाग्यो ।।४।

यहाँ सर्वहारा सधैंँ भोकमा छन्
बन्यो हर्ष पीडा सधैंँ शोकमा छन् ।
विनालक्ष्य गन्तव्यमा हिँड्न लाग्यो
प्रजातन्त्रको कन्धनी छिन्न लाग्यो ।।५।

०००
काठमाडौं