ज्योतिषी बा- १
हे ज्योतिषी बा ! म तपाईंसँग कति सोधूँ ? किन मेरो भाग्य तपाईंको ज्योतिषमा टिपिएन !! किन मलाई ढाँट्नुभयो ? ज्योतिषी बा !!!
शेषमणि आचार्य :
ज्योतिषी बा !
चिना हेर्छन् !
राशिफल दिन्छन् !
“भाग्यमानी छस्”-भन्छन् !
मेरा ज्योतिषी बा !
घर फर्कन्छु,
खुशीले गद्गद् हुँदै !
तर
घरमा चुलो सल्कन मान्दैन !
बेरोजगारी आफैप्रति
व्यङ्ग्य गरेजस्तो लाग्छ,
घर बाहिर निस्कन्छु
भेट हुनेहरू
मन छुने भन्नेहरू !
हिँड्ने बाटोको
माटो समेत !
मुन्टो फर्काए जस्तो लाग्छ !
हे ज्योतिषी बा !
म तपाईंसँग कति सोधूँ ?
किन मेरो भाग्य तपाईंको ज्योतिषमा टिपिएन !!
किन मलाई ढाँट्नुभयो ? ज्योतिषी बा !!!
०००
२०७४/१०/११
तनहुँ