नेपाली हास्यव्यङ्ग्य अनलाइन पत्रिका

शेषमणि आचार्य :

चीसो चुलो सल्केन भनेर
धुँवामा आँखाबाट आँसु चुहाउनुभन्दा
यसलाई चीसो पार्नेहरूसँग
एकछिन तर्क गर्नुपर्ने भयो
यसपालि ।

केही भएन उपलब्धि भनेर
उत्तेजना भर्नुभन्दा
एकछिन आँखीभौँ खुम्च्याएर
समुन्द्रमा डुबुल्की मारौं न, यसपालि ।

अझै उज्यालो भइसकेको छैन,
यो सत्य हो,
अन्धकारमा पनि बाटो हिंड्न
अभ्यस्त भएनौ भने,
कसरी लामो बाटो पार गर्न सकिएला ?

यसैले
अँध्यारोमा छिचोल्न
एकछिन चौतारीमा थकाइ मारे पनि
यात्रालाई नविर्सन
फेरि प्रतिज्ञा गरौं
यसपालि ।

०००
मलाई एउटा बाँसुरी देऊ (२०६०)