नेपाली हास्यव्यङ्ग्य अनलाइन पत्रिका

सुरेशकुमार भट्ट :

फेरि पनि उस्तै छ चाला, गला मिले जोड्दै छन् ती गाला ।
यी दलको बिग्रेको मति, वर्ष दिनमै हुन्छ कि दुर्गति ॥

ख- तिम्ले हाम्ले लाएको माया
दुई वर्षमै भैगयो राम छाया ।

पु- तिमी रैछौ बेसारेको खालको
कुर्ची भॉच्यौ तेसैले बेहालभो ।

ख- मैले त भनेकै थिएं नि
दुख दिए कुर्चीनै भॉच्दिनी ।

पु- एकलौटी सबै थोक गर्‍यौ
भेटे जति एकलै हसुर्‍यौ ।

ख- तिम्लाई पनि भाग नद्या हैन
सधैं किन गरेको गन गन ।

पु- दुईटै पद आफैंसँग राख्ने
एउटा माग्दा उल्टै झन् सराप्ने ।

ख- क्यान्टोन मेन्टको एकलप्टी खाने
उल्टै अझ मसँग भाग माग्ने ?

पु- गाड़ा चढी़ अम्रिका जाने
उल्टै यता मुसेको भाग खाने ?

ख- सधैंभरि किचलो गर्नेलाई
झार्छु सेखी मुसे भाग खानेलाई ।

पु- भ्रष्टाचारको नाईके चाहिं आफू
काखी किन चेपेको माफि भू ?

ख- धेरै जोरी नखोज खाम रेड
थुनाइदिन्छु लगेर जेल्मा हेग ।

पु- जाली झेली टुक्के र चटकी
भाग्नु पर्ला हात्मा लि चकटी ।

ख- फुर्ति धेरै नगरौं भो अब
मध्यावधि गराउँछु म तब ।
पु- अविश्वासको प्रस्ताव ल्याउँछौँ
प्रमलाई कुर्चीबाटै भगाउँछौँ ।

ख- ल त संसदनै भताभुङ पार्दिएँ
म प बाटै सिफारीस गर्दिएँ ।

पु- छिनका छिनमै संविधान मिचि
बैशाखमै गर्ने भयौ चुनाव कि ?

ख- हेर्दै जानु के के पो गर्दिन्छु
रिस उठाए जेलैसब भर्दिन्छु ।

पु- चुनावले बदला दिलाउँछ
जेलभरे कम्युनिष्ट सब बिलाउछ ।

ख- बजे बज्छ नबजे बॉसुरी
मत्लब छैन मासिए बॉसघारी ।

पु- तिम्रो हाम्रो पर्दैछ ईरो
मध्यावधि कागलाई हो कुईरो ।

ख- अदालतले गरेमा बदर
संकटकाल लाइदिन्छु हरर ।

पु. मौका परे हामी नि छाड्दैनौ
झेलाहाको नेत्रित्व मान्दैनौं ।

दुवै- अब हामी दुईपट्टि भयौँ
एक अर्कामा अभियोग नलगाऔँ ।

दुवै- हाम्रो जोडी चितुवा र हुँडारको
दुई तिहाई जन्तालाई ढॉट्न हो ।

दुवै- कम्निस जति शब्दमा तानातान
पर्नि भयो सकेको हानाहान ।

दर्शक श्रोता- मिलिमिली लुटेर खाकाछौ
आओस् चुनाव अब त देखाउँछौँ ।

०००
काठमाडौं