राजेन्द्रप्रसाद अधिकारीत्यो धूर्त ब्वाँसो को थियो ?
फेरि पनि मानिसको चेतना र उभित्रको विवेकले एक दिन प्रश्न गर्ने नै छ- कि त्यो धूर्त ब्वाँसो को थियो ? त्यसलाई कालो चश्मा कसले दियो ?? र त्यसलाई कसले त्यति माथि पुर्यायो ??
राजेन्द्रप्रसाद अधिकारी :
कालो चश्मा लगाएको धूर्त ब्वाँसो
रङ्ग र भेष बदलेका स्याल र फ्याउराहरु
हावामा कावा खाइरहेका चील र बाजहरु
अनि भेडाका बथान र छुट्याउनै नमिल्ने गरी
बथानसँग मिसिएका मानिसहरु
मानिसहरु बस्तीमा वर्षौंदेखि
ब्वाँसो‚ स्याल र फ्याउरो
चील‚ बाज र भेडाका कथाहरु
सुनिरहेछन् र सुनाइरहेछन्
तर कहिल्यै सोधेनन्-
ती बहुरुपी स्याल र फ्याउराहरु को थिए
अनि यी धोकेबाज चील र बाजहरु को हुन् ?
ती छुट्याउनै नमिल्ने गरी मिसिएका भेडाहरु को थिए
अनि यी छुट्टिनै नसकिने गरी मिसिएका मानिसहरु को हुन् ?
फेरि पनि मानिसको चेतना र उभित्रको विवेकले
एक दिन प्रश्न गर्ने नै छ-
कि त्यो धूर्त ब्वाँसो को थियो ?
त्यसलाई कालो चश्मा कसले दियो ??
र त्यसलाई कसले त्यति माथि पुर्यायो ???
०००
७ मंसिर २०८१
गजब व्यंग्य धूर्त मनुवाहरूलाई !