अमर अधिकारीफटाहाहरुको जगजगी
बदमासले फटाहाको जोडा जोडाइदिए भलादमीको सम्बन्धलाई नाता तोडाइदिए सम्बन्धको बेलुनलाई प्याट्ट फोडाइदिए यात्रुको गन्तव्यलाई अन्तै मोडाइदिए ।
अमर अधिकारी :
बाइकवालाले साइकललाई हान्दै लडाइदिए
ट्राफिकले बाइकवालालाई नियम पढाइदिए
शिक्षकले फेलवालालाई कक्षा चढाइदिए
बाउआमाले छोराको प्रेम छोडाइदिए
नेताहरुले भ्रष्टाचारको लिङ्गो ठडाइदिए
सन्तहरुले अन्धभक्तको संख्या बढाइदिए
घुस खानेले नियम कानुन सबै सडाइदिए
दलालले भ्रष्टाचारीको भुँडी ढडाइदिए
फटाहाले रीतहरुको सीमा हटाइदिए
इमानदारको मस्तिष्कमा किला गडाइदिए
चोरहरुलाई साधुको खास्टो ओढाइदिए
प्रेम गर्ने जोडीको माया छोडाइदिए
बदमासले फटाहाको जोडा जोडाइदिए
भलादमीको सम्बन्धलाई नाता तोडाइदिए
सम्बन्धको बेलुनलाई प्याट्ट फोडाइदिए
यात्रुको गन्तव्यलाई अन्तै मोडाइदिए
०००
खुंग्री, रोल्पा। हालः बुढानिलकण्ठ, काठमाडौँ।
Subscribe
Login
0 Comments
Oldest
