युगल बसेलआँखैका नानीमा बस
जोति राम्रो, घाम राम्रो, राम्रो अझै जून भन्यो कसले जूनभन्दा तिमीलाई राम्रो हुन ? मनमा बस, काखमा बस, अँगालोमा बस प्यारा नानी दुई आँखाका नानीभित्र बस ।
युगल बसेल :
छायाँ शीतल, हावा शीतल अझ शीतल हिउँ
झनै शीतल लाग्छ मलाई नानी तिम्रो जिउ ।
फूल नरम, भुवा नरम, नरम कपास प्युरी
फूलभन्दा झन् कलिला प्यारा छोराछोरी ।
चरीको गीत कति मिठो, बाँसुरी धुन मिठो
अझ बढी लाग्छ किन तोते बोली मिठो ।
जोति राम्रो, घाम राम्रो, राम्रो अझै जून
भन्यो कसले जूनभन्दा तिमीलाई राम्रो हुन ?
मनमा बस, काखमा बस, अँगालोमा बस
प्यारा नानी दुई आँखाका नानीभित्र बस ।
०००
सन्धिखर्क (हाल : चन्द्रागिरी ११)
Subscribe
Login
0 Comments
Oldest
