जेन काइजेनबडो मजा छ भाइ
अहिले के के खान्छौ खाऊ पुलाउ, मासु, मीठाइ जति खाऊ हामी त भान्से पाहुना खुवाइकन खान्छौं तिमी आज टन्न अघाऊ चुनावपछि, बल्ल हामी खाउँला त्यसपछि तिमीहरु घाँस चर्न जाउला
जेन काइजेन :
बढो मजा छ आइरा’छ
के भैरा’छ भाइ ?
जता हेर,
मेला बराम छ ।
यतै नमस्कार उतै नमस्कार
मै हुँ कि सरकार जस्तो भैरा’छ ।
तर,
भीडको मजै अर्को
भाषणको स्वादै चर्को
अहिले के माग्छौ माग तिमी
ए भीड,
अहिले के के खान्छौ खाऊ
पुलाउ, मासु, मीठाइ जति खाऊ
हामी त भान्से
पाहुना खुवाइकन खान्छौं
तिमी आज टन्न अघाऊ
चुनावपछि,
बल्ल हामी खाउँला
त्यसपछि तिमीहरु घाँस चर्न जाउला
हामी
खाउँला, उग्राउला, खाउँला, उग्राउला ।
०००
दमक, झापा
Subscribe
Login
0 Comments
Oldest
