गणतन्त्र आएपछि
नेट चलाउन खोज्यो ढिलो छ
बत्ती बाल्न खोज्यो लोडसेडिङ छ
धारामा गयो लेदो पानी छ
सडकमा गयो धूलोधूवाँ छ ।
पसलमा गयो मनपरी भाउ छ
सामानको मूल्य सोध्दा मनभरि घाउ छ
अस्पतालमा गयो बिरामीको बेहाल छ
दीपावली आयो बत्ती नबाल्ने उर्दी आ’छ ।
देउसी खेल्न नि नौ बजेपछि प्रतिबन्ध ला’छ
पञ्चायत र प्रजातन्त्रमा पनि यस्तो भा’ थिएन
गणतन्त्र आएपछि श्रीमती र
छोराछोरीलाई भेट्न नि एपोन्टमेन्ट लिनुपर्ने भा’छ ।
काठमाडौं