नेपाली हास्यव्यङ्ग्य अनलाइन पत्रिका

ब्रिफकेसमा हैन बजेट भाषण सरकार
डोकोमा बोकेर ल्याउँदैनौ किन
शिक्षामा लगानी हैन सरकार
कागजी शिक्षामा लाद्छौ किन
विदेशी भाषामा लगानी गरे हुन्छ सरकार
नेपालमा युवाहरूलाई राख्छौ किन
नेताहरूलाई बण्डा गरे हुन्छ बजेट सरकार
बित्थ्यामा समय खेर फाल्छौ किन
यसपाली नि प्रतिव्यक्ति आय बढेन सरकार
त्यसो भएर बजारभाउ नबढ्ने किन
टन्न खर्बौ बजेट छुट्याउ सरकार
दालचामल किन्न नि कोरिया झैं लाखौ किन
विकास र अन्यमा कुस्त राख सरकार
नेताहरूलाई कुर्सी हानाहान किन
जे गरे नि जनता मौन छन् सरकार
महंगी र हाहाकारमा राख्छौ किन
नेताहरू नै बरू मिलेर खाउ बजेट सरकार
जनतालाई नाटकको पात्र बनाउँछौ किन
जहाज र मेट्रो हैन सरकार
गाँस बास कपास सर्बसुलभ नबनाउने किन ?
काठमाडौं