धनराज गिरीहाम्रा सबै राम !
झुसी भयो हाम्रो खुसी उदाउने भो घाम
हुन्छ हुन्छ पूर्ण हुन्छ रोकिएको काम ।
सगरमाथा लुम्बिनीको जोगिने छ शान
चम्किने छ हीराजस्तै नेपालको नाम ।
अब हामी उज्यालोको गीत मात्रै सुन्ने
आलोकित हुनैपर्छ कुना कुना गाम ।
एकताको बिकल्प हो अझ एक हुने
हातेमालो गर्नैपर्छ चारतारे ं वाम ।
हामी आफैं सक्षम छौं अझ दक्ष पनि
चाहिदैन पराईको कुनै छलछाम !
बाटो भुले बिहानीमा, साँझ फर्के घर
आइपुगे अयोध्यामा हाम्रा सबै राम ।
अलि अलि यसोउसो लाग्ला रुघाखोकी
गर्नुपर्छ उपचार, हुन्न चक्काजाम !
चितवन
