नेपाली हास्यव्यङ्ग्य अनलाइन पत्रिका

१.
विचार एउटा व्यवहार अर्कै
म्यान एउटा तरबार अर्कै {{read_more}}
केके देख्नुपर्छ जिन्दगीमा म त हत्तु हैरान छु हजुर !
विवाह एउटा घरबार अर्कै ।

२.
नेपाल रुँदा तिमीलाई दुख्दैन भने तिमीलाई कसरी नेपाली भनौँ ?
हिमाल जल्दा तिमीलाई पोल्दैन भने तिमीलाई कसरी हिमाली भनौँ ?
ढाका टोपी र दौरा सुरुवालले मात्रै राष्ट्रियता झल्किँदैन महाशय !
पराईले माटो मिच्दा तिम्रो रगत तात्दैन भने तिमीलाई कसरी गोर्खाली भनौँ ?

३.
खुब कराउनोस् कुहिएको पिठो पनि बिक्छ तपाईँको
चुप लागेर बस्नु भो भने बासमती चामल पनि कुहिन्छ तपाईँको
थाहा छ कि छैन यहाँलाई ? यो त हल्लैहल्लाको देश हो हजुर !
बेस्सरी चिच्याउनोस् पित्तल पनि सुनको भाउमा बिक्छ तपाईँको ।

हेटौँडा– ४, अभिकुञ्ज
मित्रनगर, मकवानपुर