कुरेको छु
अन्धकारको अन्त्य हुन्छ भनी कुरेको छु
ढाडिएको आकास खुल्छ भनी कुरेको छु । {{read_more}}
गड्याङ् गुडुङ् बज्र चट्याङ पार्ने बस्छ कहाँ ?
पक्कै त्यसको शीर झुक्छ भनी कुरेको छु ।
चिना हेरी ज्योतिषीले भन्थे सुख पाउँछस्
तिनका कुरा पक्कै पुग्छ भनी कुरेको छु ।
प्यास बोकी बाँचेको छु, बाकै पालादेखि
कुनै बेला मूल फुट्छ भनी कुरेको छु ।
किन भावी ठुस्कियो हँ, देशको निधार कोर्ने
पक्कै उसको चित्त बुझ्छ भनी कुरेको छु ।
२०७५ बैशाख १७
कौसलटार, भक्तपुर