नेपाली हास्यव्यङ्ग्य अनलाइन पत्रिका

यहाँ जे पनि सेलाउँछ ।
बिरालो मुसा जस्तै गरी 
मान्छेले मान्छे खेलाउँछ । {{read_more}}
यहाँ भिम मल्ल चिसिएका छन् ।
चिसिनेहरूको थुप्रोमा
भिमसेन थापा मिसिएका छन् । 
मदन–आश्रित पनि मिसिएका छन् ।
बाह्रबर्षे जनयुद्धका गोला बारूद पनि
हिउँका डल्लाले पिसिएका छन्
कि न कि मेरो देश हिमालयको देश हो !

यहाँ शहीदको तातो रगत सेलायो
ठेकादार लाइ तह लाउने हविगत सेलायो ।
क्रान्तिको ज्वालामुखी नारा सेलायो 
विसौँ हजार जिउँदो सर्वहारा सेलायो ।
भर्खर उम्लेको सिन्डिकेट सेलायो,
तेत्तीस किलो सुनको इन्डिकेट सेलायो ।
निर्मला हत्याको आगोजस्तो मुठभेट सेलायो ।
एससपी सहित प्रहरीमाथि पेट्रो खन्याएर
कैलालीमा दन्काएको अगेट सेलायो।
यहा धेरै कुरा सेलाउँछ,
मान्छेले मान्छेलाई मुसालाई बिरालोले 
खेलाए झै खेलाउँछ ।
किन कि मेरो देश हिमालयको देश हो ।

बाइडबडीको आगो चिसिँदै छ अब,
रबिजी र राम बम्जनजीहरूका लोहोराले
सुन्दरीहरूको अस्मिता पिसिँदैछ अब,
कोशी, गण्डकी र कर्णालीका मुहानमा छिट्टै
पवित्र होली वाइन मिसिदैछ अब,
जाडोमा बाँड्ने टोपी र ज्याकेटमा पनि
प्रभु इसुको बरदान बिसिदैछ हजुर
सबै देशभक्ति र बिकाश हिस्सिँदैछन् ।
भ्रष्टाचार बिरोधीका मुटु चिसिदैछन् अव
किन कि मेरो देश हिमालयको देश हो,
हरेक शासकले चुसेर छाडेको खोस्टा
मुस्किले बचेको शेष–भग्नावशेस हो ।

पौष २७, खाँदबारी