नेपाली हास्यव्यङ्ग्य अनलाइन पत्रिका

केटीः-
झोले दाइ न बोक झोला
थोत्रो झोला फाल्दिए के होला
बस माया नेपाली साथैमा, रमाएर जुनेली रातैमा ।

झोलेः-
झोला बोक्ने भै सक्यो बानी
न बोकेर भन त के खानी ?
बस्छु म त नेताको साथैमा, रमाएर मासु र भातैमा ।

केटीः-
भाते बुद्धि छोडिदेऊ दाजु
नेतादेखि सबै छन् बिराजु
बस माया नेपाली साथैमा, हाँसी खेली जुनेली रातैमा ।

झोलेः-
जे जे भन जे सुकै गर
झोला छाड्ने कुरो चाहिँ नगर
बस्छु म त नेताको साथैमा, रमाएर मासु र भातैमा ।

केटी :-
नेता फेर्न छैन है कठिन
झोले फेर्न सारै भो कठिन
बस भो भो त्यै झोला बोकेर, देश बेचुवाका मादलै ठोकेर ।

०००
२०७९।५।३०। जाउलाखेल ।