नेपाली हास्यव्यङ्ग्य अनलाइन पत्रिका

गोपेन्द्रप्रसाद रिजाल :

(गीतकार र गायकसँग माफी माग्दै, पर लैजाउ फूलहरूको भाकामा)

पर लैजाउ नेताहरू
पुरी देउ भ्रष्टलाई
खुल्ला गर फाइलहरू
(उस्को मुहार देख्ने सबै द्वारहरू)२

गाउँ शहरहरू सबै तिम्रा
(जनताले छुँदैनन्)२
(सपनामा पनि नआउ तिमी)२
तिम्लाई सम्झने हाम्रो फुर्सद छैन ।
पर भाग झोलेहरू
नबोलाऊ जनतालाई
तान्दै बस सेन्थेरेम
(आफैलाई भुल्न थाल सधैँलाई ।)२

माइक कुर्सीहरू सबै तिम्रा
(हामीलाई चाहिँदैन)२
(भोट माग्न आयौ भने फेरि)२
पाउला अब गोबरका रासहरू
तिमी नै लैजाउ सुनहरू
(जग्गा पनि तिम्रै भो)२

खोलानाला सबै भए तिम्रा
खुला गर सबै भ्रष्ट द्वारहरू
कति ठग्छौ देशलाई तिमी
(बरू जाउ ब्रह्मनाल)२
युवा जति सबै विदेश खेद्दै
कति गर्छौ यहाँ तिमी भोजहरू ।

पर लैजाउ नेताहरू
पूरी देउ भ्रष्टलाई
खुल्ला गर फाइलहरू
(उस्को मुहार देख्ने सबै द्वारहरू)२

०००
मैतीदेवी, काठमाडौं