नेपाली हास्यव्यङ्ग्य अनलाइन पत्रिका

गोपेन्द्रप्रसाद रिजाल :

प्यारोडी

(गीतकार र गायकसँग माफी माग्दै । पर लैजाउ फूलहरूको भाकामा)

पर लैजाउ नेताहरू
पुरिदेउ भ्रष्टलाई
खुल्ला गर फाइलहरू
(उस्को मुहार देख्ने सबै द्वारहरू)२

गाउँ शहरहरू सबै तिम्रा
(जनताले छुँदैनन्)२
(सपनामा पनि नआउ तिमी)२
तिम्लाई संझने हाम्रो फुर्सद छैन ।

पर भाग झोलेहरू
नबोलाउ जनतालाई
तान्दै बस सेन्थेरेम
(आर्फैलाई भुल्न थाल सधैँलाई ।)२

माइक कुर्सीहरू सबै तिम्रा
(हामीलाई चाहिँदैन)२
(भोट माग्न आयौ भने फेरि)२
पाउला अब गोबरका रासहरू ।

तिमी नै लैजाउ सुनहरू
(जग्गा पनि तिम्रै भो)२
खोलानाला सबै भए तिम्रा
खुला गर सबै भ्रष्ट द्वारहरू

कति ठग्छौ देशलाई तिमी
(बरु जाउ ब्रह्मनाल)२
युवा जति सबै विदेश खेद्दै
कति गर्छौ यहाँ तिमी भोजहरू ।

पर लैजाउ नेताहरू
पुरिदेउ भ्रष्टलाई
खुल्ला गर फाइलहरू
(उस्को मुहार देख्ने सबै द्वारहरू)२

०००
काठमाडौं