रमेश समर्थनखलहरू जति थिए
जे भएन त्यही कम छ, के के हुन सक्छ यहाँ मर्यादाका हत्यारा नै जहाँ पालक बनेका छन्
खलहरू जति थिए आज नायक बनेका छन्
सुख हाम्रा लिई तिनै दुखदायक बनेका छन् ।
प्रतिभाको कदर खै कसले गर्न जान्यो यहाँ
घोटिएको रील जस्तै सच्चा गायक बनेका छन् ।
राख्न दिइएको बन्दुक जनतातिरै सोझ्याएर
हवल्दारी पारा लिई खुबै लायक बनेका छन् ।
खोटा सिक्काहरूले नै छोपेका छन् बजारलाई
म्याद नाघेको औषधि भै हाम्रा साधक बनेका छन् ।
जे भएन त्यही कम छ, के के हुन सक्छ यहाँ
मर्यादाका हत्यारा नै जहाँ पालक बनेका छन् ।
तन्नेरीको जोस पानी पानी भएजस्तो लाग्छ
बालकहरू बूढा जस्ता, बूढा बालक बनेका छन् ।
गोठाला हो होस राख तिम्रा पाठा खाइदेलान्
ब्वाँसाहरू छाला ओढी सोझा शावक बनेका छन् ।
पाल्पा
Subscribe
Login
0 Comments
Oldest
