शिव पलाँसनौजवान जम्मै विदेश उडाएर
कर्णालीमा पहिला चामल पुग्नुपर्छ काम छैन ठूला योजना पठाएर ।
के गर्छौ सुनको दरवार बनाएर
जानुपर्छ त्यै एउटा कफन लगाएर
कि भात खानुपर्छ, कि रोटी खानुपर्छ
को अघायो र खोई रुपैयाँ चपाएर
जन्ति कमाउनुपर्छ बाँच्दाखेरि यहाँ
र मर्दा मर्नुपर्छ मलामी कमाएर
कर्णालीमा पहिला चामल पुग्नुपर्छ
काम छैन ठूला योजना पठाएर
कसरी देश बनाउँछु भनेको होला
यी नौजवान जम्मै विदेश उडाएर ।
नर्थ क्यारोलिना
Subscribe
Login
0 Comments
Oldest
