नेपाली हास्यव्यङ्ग्य अनलाइन पत्रिका

गोपाल काफ्ले :

नयाँ पाइन्ट च्यातेर फेरि टालूँटालूँ लाग्छ
घरको गाई बेचेर कुकुर पालूँपालूँ लाग्छ

स्वास्नीका कुरा सुन्दा आफ्ना पितृझैं
बाआमा वृद्धाश्रमतिर फालूँफालूँ लाग्छ

चौबिसबाट मायालु सत्र क्यारेटमा झरेको देख्दा
साँचामा हाली मायालाई गालूँगालूँ लाग्छ

धनी भएको लक्षण हो कि के हो हजुर?
महङ्गातिर मात्र कदम चालूँचालूँ लाग्छ

विदेशीकी मुटु पराईसँग गुटुमुटु देख्दा
प्रेमपत्रको ठेली आँगो बालूँबालूँ लाग्छ

दुधेबच्चा छोडेर टाप कसेकी आमालाई
पाता कसेर चौतारामा ढालूँढालूँ लाग्छ

देखेको कुरा हो, भनेर बोल्न नसक्दा
आफैलाई मानहानीको मुद्दा हालूँहालूँ लाग्छ !

०००
सिन्धुली