महेन्द्र उपाध्यायनहुन पर्ने गुलाव यति त रातो
जलाउन आगो, कहाँ सक्थ्यो मलाई हेर्नेले देख्ला, तेलमा पुतली डुबेको ।
एम्.पी. कियरलेस :
देख्नेले देखेनन, हामी दुई डुबेको
दुनियाँले देख्यो, एक्लै तिमी डुबेको ।
सामान्य लाग्छ, सबथोक तिमीलाई
म छु कायल, हेरि चाँदनी डुबेको ।
म तर्न सक्थेँ, तो जाबो सागर
मसँगै डुबे, थियो, साथी डुबेको ।
नहुन पर्ने गुलाव यति त रातो
यति सम्म लाजमा, कसरी डुबेको ?
डुबेँ म कसरी, तिमी बोल्दै नबोल्नू
चलोस् हल्ला उ, हाँसी हाँसी डुबेको ।
जलाउन आगो, कहाँ सक्थ्यो मलाई
हेर्नेले देख्ला, तेलमा पुतली डुबेको ।
म डुब्न चाहन्छु, त्यही रसमा आज
जुन रसमा, भेटिन्छ “एम.पी.” डुबेको ।
०००
लम्कीचुहा, कैलाली
Subscribe
Login
0 Comments
Oldest
