भोजराज रेग्मी ‘मुखाले’घाम बिग्रिएछ
घरि दाह्रा किट्छन्, घरि पाउ पर्छन्, उज्यालो खोज्नेको लाम बिग्रिएछ ।
भाेजराज रेग्मी मुखाले :
धेरैले मानेको राम बिग्रिएछ ।
धेरैले जानेको नाम बिग्रिएछ ।
दिउँसै रात पर्न लागेर हो कि !
धेरैले तापेको घाम बिग्रिएछ ।
जो आशलाग्दो उही जेठाजु पर्यो,
हुन्छ भन्ठानेको काम बिग्रिएछ ।
घरि दाह्रा किट्छन्, घरि पाउ पर्छन्,
उज्यालो खोज्नेको लाम बिग्रिएछ ।
कसको भर पर्नु ? यहाँ ए.., बरैऽऽ !
मायालु राधेको श्याम बिग्रिएछ !!
०००
काठमाडाैं
(रचनाकाल : २०७१)
Subscribe
Login
0 Comments
Oldest
