नेपाली हास्यव्यङ्ग्य अनलाइन पत्रिका

एक

त्यो फलानी त खाली टिकटक मात्रै बनाउँछे
आर्काको गितमा आफ्नो ओठ मात्रै हल्लाउँछे
थाह छैन उसका ओठ राम्रा हुन् कि टिकटक
खै आजकल मेरो सपनामा त्यही मात्रै आउँछे !

दुई

हैन टुप्पोबाट पलाएको भन्यौ अरे
लुटको धन तहलाएको भन्यौ अरे
नगरकोट र चन्द्रागिरी, घुम्ने खर्च
तिम्रै बाउको चलाएको भन्यौ अरे !

तीन

हिजो आउँदा हिँउ जस्तै सेतै फुली आयौ
सायद आफ्नो कपाल रङ्गाउन भुली आयौ
आज त केश कालो मन उज्यालो पारिछ्यौ
बर्षापछिको सफा आकाश झैं खुली आयौ !

चार

गाई भन्दा धेरै साँढे र बहर बनायौँ हामीले
यिनै हिंस्रक जन्तुका लहर बनायौँ हामीले
सभ्य मान्छे खोजेर कहाँ पाइन्छ जब कि
गाउँ मासेर विवेकहिन शहर बनायौँ हामीले !

०००
फ्लोरिडा, अमेरिका