नेपाली हास्यव्यङ्ग्य अनलाइन पत्रिका

डा. भरतकुमार भट्टराई :

१. नाराले गिज्याउँछ
सुनको घर बनाउनमै छलकारीहरू खुसी भर्दै छन्
आकाशको चिसोमुनि भूकम्पपीडितहरू मर्दै छन्
यो देशमा समाजवादकै नाराले गिज्याउँछ बारबार
दलका भ्रष्ट र तस्करहरू देश डुबाउन अगि सर्दै छन् ।

२. नसोच यस्तो
तिर्खाएका आँखाहरू घुमिरहन्छन् नपाउँदा
मुर्झाएका आशाहरू उम्रिरहन्छन् जलाउँदा
नसोच जीवन अँध्यारो छ ढाँटेर काम चल्दछ
घाइतेका मनहरू आक्रामक हुन्छन् छलाउँदा ।

३. व्यापार छ
दिन रुन्छ रात रुन्छ, रुन्छ महिना रुन्छ वर्ष
आमाकै आँसु धुन्छ, बाबुकै आर्त धुन्छ वर्ष
हवाईजहाज अर्थीमा जब उड्छ युवा-छाल
आँसुकै बिक्री हुन्छ, चिहाने बेपार बुन्छ वर्ष ।

०००
कीर्तिपुर