नेपाली हास्यव्यङ्ग्य अनलाइन पत्रिका

गोपाल काफ्ले :

१.
आउँछ, भोलि भालेको डाकसँगै बिहानी आउँछ
छाउँछ, भोलि चेतनाको दीपसँगै उज्यालो छाउँछ
मै हूँ भन्ने कुशासकले पनि एकदुई झट्का खाएपछि
पाउँछ, मुलुकले विकासको निकास तुरुन्तै पाउँछ !!

२.
प्रकृतिको वरदान हो मेरो देश
देवाशीष प्रदान हो मेरो देश
कुशासनबाहेक सर्वगुण सम्पन्न
संसारको सिंहासन हो मेरो देश ।

३.
शासक कंश भए
वेवारिसे अंश भए
सबै उतै कुदेपछि
प्रवासी वंश भए !

४.
बच्चा पारेकै छ ढुकुरले पनि
पेट पालेकै छ कुकुरले पनि
पशुभन्दा त फरक बन न यार…
आराम त गरेकै छ सुँगुरले पनि !!

०००
हेटौंडा