तीन ठोक्तक
गर्दै छौ गफ आकाश छुने पत्तामा बसेर हसुर्छौ कति मौका छ भन्दै सत्तामा बसेर के गरूँ आशा खन्चुवा तिमी खान नै व्यस्त छौ सक्तैन तर्न माझी होस् तर गत्तामा बसेर ॥
हरिप्रसाद पौड्याल :
१.
भन्दै छौ बाङ्गो छ तर सोझो नियाली हेर त
कठोर तिम्रो हृदयलाई पगाली हेर त
यथार्थ दृश्य अनि पो देख्छौ अन्तरमनले
कुदृष्टि आजै जति छन् तिम्रा पखाली हेर त ॥
२.
गर्दै छौ गफ आकाश छुने पत्तामा बसेर
हसुर्छौ कति मौका छ भन्दै सत्तामा बसेर
के गरूँ आशा खन्चुवा तिमी खान नै व्यस्त छौ
सक्तैन तर्न माझी होस् तर गत्तामा बसेर ॥
३.
संस्कार छैन संस्कृति ढल्यो देखिन्छ विचित्र
पैसाले मुख टालिन्छ यहाँ लेखिन्छ विचित्र
ढाँटका राजा शासन गर्छन् साधु छन् शासित
दुधको साक्षी बिरालो यहाँ भेटिन्छ विचित्र ॥
०००
धुलाबारी, झापा