साइबर अपराध सम्बन्धी सचेतना सामग्री

नव जिन्दगानी

हामी नहाँसे किन हाँस्छ फूल हामी सुके सुक्तछ दिव्य मूल । आशाभरोसा युग सुम्सुम्याई बाँचौँ सधैँ हर्षित भै रमाई ॥

Nepal Telecom ad

जीवनाथ अधिकारी :

नौलो छ आशा छ नयाँ उमङ्ग
पाको छ खासा मनको तरङ्ग ।
अनेक छन् जीवनका कहानी
रच्तै छु जैले नव जिन्दगानी ॥१॥

देखेँ जगत्का अति धेर चाला
सफा, कुनै हिर्दयभित्र काला ।
दागी थिए क्वै परमार्थ भुल्ने
त्यागी थिए क्वै उपकार खुल्ने ॥२॥

आकाशको भार कतै उठाएँ
निधारको चिह्न यतै कटाएँ ।
उमेरले मात्र म हैन ज्येष्ठ
छ दीर्घ यात्रा म भएँ वरिष्ठ ॥३॥

शरीर मात्रै सबथोक हैन
उमेरले अड्चन मानिँदैन ।
उत्साहको खर्पन बोक्छु साथी
धर्ती उचाल्दै म चढूँ कि माथि ॥४॥

यी चाउरी हुन् युगका निसानी
यी बाहुली हुन् बलका सिरानी ।
फुलेर सेतो हिम पाक्न लाग्दा
लाली पहेँलो रसरङ्ग जाग्दा ॥५॥

बोकेँ अझै ढाकर जिन्दगीका
फुल्दो जवानी सुखदुःख भाका ।
भरेर सङ्गीत थपेर ऊर्जा
कसेँ सबैका शिथिलाग्नि पुर्जा ॥६॥

नबिर्स मेरा सिप-शिल्प गाथा
म सिर्जना खोल्दछु भव्य माथा ।
बनाउने मानिस दिव्य आँखा
कालीगढी मै सुरताल भाका ॥७॥

हामी नहाँसे किन हाँस्छ फूल
हामी सुके सुक्तछ दिव्य मूल ।
आशाभरोसा युग सुम्सुम्याई
बाँचौँ सधैँ हर्षित भै रमाई ॥८॥

०००
भक्तपुर

Subscribe
Notify of
guest

0 Comments
Oldest
Newest Most Voted
Nepal Telecom ad
पाका सारद हुन्

पाका सारद हुन्

जीवनाथ अधिकारी
मालामाल कमाल

मालामाल कमाल

जीवनाथ अधिकारी
थुक्क मान्छे ! तँ मर्छस्

थुक्क मान्छे ! तँ...

जीवनाथ अधिकारी
सन्तोष /असन्तोष

सन्तोष /असन्तोष

जीवनाथ अधिकारी
अब आसिकले परिपूर्ण भयौँ 

अब आसिकले परिपूर्ण भयौँ 

रामशरण न्याैपाने
बुढाबुढी समस्तको

बुढाबुढी समस्तको

कविराज घिमिरे
नारी एकल छन् भने सकसमा …

नारी एकल छन् भने...

इन्दिरा प्रयास
अब आसिकले परिपूर्ण भयौँ

अब आसिकले परिपूर्ण भयौँ

दीनानाथ पाेखरेल
0
Would love your thoughts, please comment.x
()
x