नेपाली हास्यव्यङ्ग्य अनलाइन पत्रिका

देवीप्रसाद मिश्र :

फैलिँदा कठिनता अतिसार।।
गर्दछिन् स्थिर बनी व्यवहार।।
हुन्छ साेच जहिल्यै हितकारी ।
हुन् यिनी सकलकी महतारी।।१।।

हुन्डरी परिधिका पर फाल्दै ।।
कर्मले मृदुलतापन बाँड्दै।।
बन्दछिन् प्रतिपला मनकारी ।
पूज्य हुन् सकलमा महतारी।।२।।

सृष्टिकी जग यिनीसित खास।
छन् उदार नतिजा अति रास ।।
ज्ञानगम्य गुणले उपकारी।
बन्दछिन् सकलमा महतारी ।।३।।

रूप छन् रहरिला अति धेर ।
बालिका र वनिता कतिखेर ।।
बन्दछिन् पछि वधू अवतारी।
अन्त्यमा पद लिने महतारी।।४।।

जिन्दगी सहजकाे पथ लान ।
नित्य खुल्छ उनमा अभियान।।
हुन् उनी कहरकी भयहारी ।
खास हुन् सकलकी महतारी।।५।।

०००
साेह्रखुट्टे, काठमाडाैं