हरिप्रसाद उप्रेतीएकताका पारखी
रिपोर्ट लुकाउन एकता ध्यान मोड्नमा एकता संसारलाई नै चकित तुल्याउने राज्यको बागडोर समातेर आँफै अपराधमा संलग्न हुन सुनकाण्ड र शरणार्थी काण्ड तस्कर र माफियासँग एकता ।
हरिप्रसाद उप्रेती :
इतिहास राम्रो पढेका
भूगोल पनि गहिरो बुझेका
जनताको मन छाम्ने क्षमता भएका
भाषण र दस्तावेमा खप्पिस ।
विदेशी प्रभु रिझाउनमा एक
कमिशन र घुसमा एकता
सत्तालिप्सामा एकता
ठूला काण्डहरू दबाउनमा एकता ।
आयोग बनाउन एकता
छानवीन गर्न एकता
रिपोर्ट लुकाउन एकता
ध्यान मोड्नमा एकता ।
संसारलाई नै चकित तुल्याउने
राज्यको बागडोर समातेर
आफै अपराधमा संलग्न हुन
सुनकाण्ड र शरणार्थी काण्ड
तस्कर र माफियासँग एकता ।
अब त विपक्षी नै नराख्ने एकता र
एउटै दल बनाउने सहमति हुन बाँकी
एकता शीरोमणिको तक्मा बनाउन बाँकी
यस्तो एकताको विरोध गर्नेलाई कारबाही हुन बाँकी !!
०००
सिनामङ्गल, काठमाडौं
Subscribe
Login
0 Comments
Oldest
