नेपाली हास्यव्यङ्ग्य अनलाइन पत्रिका

जङ्गलमा बाँदरहरूले
एउटा नरिवल भेटे
र, नरिवल भेटेको खुसीयालीमा
बाँदरहरू
नाचे,
उफ्रे
अनि दङ्ग परे ।
नरिवल के हो चिन्न नसकेर
फेरि बाँदरहरू
दुःखी
निरास
र, विरक्त भए ।
बाँदरहरू नरिवल प्mयाँक्न थाले
कहिले उता
कहिले यता
कहिले माथि
कहिले तल ।
बाँदरहरूलाई थाहै भएन कि
उनीहरू के गरिरहेछन्
उनीहरू के खेलिरहेछन् ।
बाँदरहरूलाई रीस उठ्यो
र आपूm आफैमा झगडा गर्न थाले
एकले अर्कालाई आरोप प्रत्यारोप लगाउन थाले ।
र, बाँदरहरू नरिवल बोकेर
फेरि जङ्गलतिर नै दौडे
यतिन्जेल सम्ममा
जङ्गल शहरमा परिणत भैसकेको थियो
जहाँ मान्छेहरू
एक–आपसमा झगडा गरिरहेका थिए
उनीहरू पनि बाँदर नृत्यमा मग्न थिए
फरक यति मात्र कि
उनीहरूको हातमा नरिवल हैन
प्रजातन्त्र नामको भकुण्डो थियो ।
ललितपुर