साधुराम खड्काकाले कृष्ण
मेरो काले कृष्ण–
कालो बस्त्र धारण गरेर
आउँछु भन्थ्यो मेरो काले कृष्ण
खबरै नगरी झ्वाट्टै प्रकट
हुन्छु भन्थ्यो मेरो काले कृष्ण
मलाई कुराउने बहाना रैछ
किन आउँथ्यो मेरो काले कृष्ण
नानाथरी सपना देखाएर
भाग्दैछ मेरो काले कृष्ण
मलाई दिनरात रूवाएर
यताउता घुमीरहेछ मेरो काले कृष्ण
मेरा इच्छा बुझेर पनि
नबुझे जस्तो गर्छ मेरो काले कृष्ण
आँखा चिम्लँदा संसार देखाएर
आँखा खोल्दा हराउँछ मेरो काले कृष्ण
मेरो संसार बुझेर पनि
पत्तो नपाई गईदिन्छ मेरो काले कृष्ण
काठमाडौं
