दुर्गाप्रसाद ग्वालटारेनायक बन्न सकिएन
समयलाई हत्याउने, नायक बन्न सकिएन
समाजले पत्याउने, लायक बन्न सकिएन ।
डाँडा पाखा मैदानका, सुस्केरालाई गुन्गुनाइयो
युग हाँक्ने गीत गाउने, गायक बन्न सकिएन ।
यही भूमिले जन्म दिई, पालिन् पोसिन् ठूलो पारिन्
तिनैलाई भरथेग गर्ने, सा’यक बन्न सकिएन ।
बजारको जमाना भो, बोलीसंगै पिठो बेच्ने
आत्म–विज्ञापनको सच्चा, मायक बन्न सकिएन ।
जति चढ्यो उमेर उति, घट्दै गए ‘आफ्ना’हरू
आफ्नै जीवन दुर्गम बन्यो पायक बन्न सकिएन ।
२०७२ फागुन १६
काठमाडौ
Subscribe
Login
0 Comments
Oldest
