इन्दिरा प्रयाससबै खतरामा छन् !
गरिबी अशिक्षा र बेरोजगारी कै कारण रोगभोकले कर्णाली बाजुरा खतरामा छन् प्रवासीको कमाइ नै बुहारीले उड़ाउँदा घरमा भने सासूससुरा खतरामा छन् ।
सुन्दै छु आजभोलि चुचुरा खतरामा छन्
विदेशी बालुवामा पाखुरा खतरामा छन्
देशका नदीनाला बेचिसके नेताहरूले
अब ती पहाड र टाकुरा खतरामा छन्
बाबुआमा दुर्व्यसनीतिर उन्मुख हुँदा
कलिला निर्दोष ती भुरा खतरामा छन्
बालश्रम लुट्ने लुटेराहरू बढ्नाले नै
सांसदकै घरभित्र टुहुरा खतरामा छन्
गरिबी अशिक्षा र बेरोजगारी कै कारण
रोगभोकले कर्णाली बाजुरा खतरामा छन्
प्रवासीको कमाइ नै बुहारीले उड़ाउँदा
घरमा भने सासूससुरा खतरामा छन् ।
०००
सानोठिमी, भक्तपुर
Subscribe
Login
0 Comments
Oldest
