नेपाली हास्यव्यङ्ग्य अनलाइन पत्रिका

नीलहरि काफ्ले :

सबै दोष छाँट्छु भन्यो, खै त खालो सर्‍यौ ?
सुख दुःख बाँड्छु भन्यो, खै त खालो सर्‍यौ ?

म गरुँला देशको विकास, विश्व दङ्ग पर्ला
फोहोर डङ्गुर फाँड्छु भन्यो, खै त खालो सर्‍यौ ?

विमानस्थल खचाखच छ, लर्को खाडीसम्म
यूवा यतै राख्छु भन्यो, खै त खालो सर्‍यौ ?

चोली फाटे नरोउ आमा, मै पुछौँलाँ आसुँ
तिम्रो लाज ढाक्छु भन्यो, खै त खालो सर्‍यौ ?

गल्ली पिच्छे ठालु अझै, छोटे राजा समान
गुण्डा जति जाक्छु भन्यो, खै त खालो सर्‍यौ ?

०००
सिन्धुली ।