काशीनाथ मिश्रितखै कुन छ यो देशमा ?
नक्कली चोर छन् साधुको भेषमा सक्कली साधु खै कुन छ यो देशमा ?
काशीनाथ मिश्रित :
जाल को को मिली बुन्छ यो देशमा ?
जालमा भ्यागुतो हुन्छ यो देशमा !
फुत्त माछाहरू फुत्किए खै कता ?
बाँधको प्वाल को थुन्छ यो देशमा ??
सर्पले भ्यागुतो मात्र के खान्छ र !
प्वालभित्रै मुसो रुन्छ यो देशमा ।
ङ्यार्र ढाडे बिरालो करायो अरे
हाड छाला सक्यो खुन छ यो देशमा !
स्याल ब्वाँसो पसे सिंहदर्बारमा
मिर्ग चित्कार को सुन्छ यो देशमा?
रक्तले मासुले ढाडिने मात्र छन्
आर्तको घाउ को धुन्छ यो देशमा ?
नक्कली चोर छन् साधुको भेषमा
सक्कली साधु खै कुन छ यो देशमा ?
०००
गुल्मी
Subscribe
Login
0 Comments
Oldest
