काशीनाथ मिश्रितफेरि असार आयो !
उम्रिएछ हरियो घाँस सिंहदरबार वरिपरि अघाएका बोकाहरू चर्न फेरि असार आयो !
काशीनाथ मिश्रित :
सरकारलाई बजेट पारित गर्न फेरि असार आयो !
ठेकदारका थोत्रा खल्ती भर्न फेरि असार आयो ।
सपनामा देखेकै छौँ विकसित हाम्रो देश
आश्वासनका पोकाहरू छर्न फेरि असार आयो !
बगाइदियो बाढी आई लुङ खोलाको काठे पुल !
मान्छेहरू खोलाबाटै तर्न फेरि असार आयो ।
ठुला ठुला योजना छन् रोजगारी सिर्जनाका
लर्को लागि युवा विदेश सर्न फेरि असार आयो !
उम्रिएछ हरियो घाँस सिंहदरबार वरिपरि
अघाएका बोकाहरू चर्न फेरि असार आयो !
भदौतिर मगाउने रे सरकारले विकासे मल !
किसानलाई खेतबारीमा मर्न फेरि असार आयो ।
०००
फोक्सिङ, गुल्मी
Subscribe
Login
0 Comments
Oldest
