युवराज भण्डारीधेरै भयो
अचेल साँचो बोले पनि भर लाग्दैन आश्वासनको नाममा झुट धेरै भयो ।
युवराज भण्डारी :
जे गरे नि हुने यहाँ छुट धेरै भयो
कानुनकै अघिल्तिर लुट धेरै भयो ।
पहिले एक थिए आज अनेक छन्
कहाँबाट आयो खै मुकुट धेरै भयो ।
पहिचान हराउँछ कि भन्ने भो डर
हाम्रै बिचमा गुट उपगुट धेरै भयो ।
अचेल साँचो बोले पनि भर लाग्दैन
आश्वासनको नाममा झुट धेरै भयो ।
गरिबसँग जिउ ढाक्ने लुगा नि छैन
महलमा पल्टिनेसँग सुट धेरै भयो ।
०००
तनहुँ, हाल क्यानडा
Subscribe
Login
0 Comments
Oldest
