ज्ञानुवाकर पौडेलको छ खै फेरि यो मुलुक हाँक्न सक्ने ?
तिम्रो जुंगाको लडाइँले हेर अनाहकमा रगतपच्छे यो देशको संविधान भैरहेछ
ज्ञानुवाकर पाैडेल :
सम्मानित किन यहाँ बेइमान भैरहेछ ?
बन्धक यहाँ अचेल हरेको इमान भैरहेछ !
भ्रष्ट थिए जो जो हिजो-अस्तीसम्म
कसरी आज उनै यहाँ महान भैरहेछ ?
हाम्रै कारण, हो तपाईं-हाम्रै कारण
थाहा छ देशको कति नोक्सान भैरहेछ ?
तिम्रो जुंगाको लडाइँले हेर अनाहकमा
रगतपच्छे यो देशको संविधान भैरहेछ
को छ खै फेरि यो मुलुक हाँक्न सक्ने ?
निरर्थक मतदाताको मतदान भैरहेछ
सोच्दा-सोच्दै हाम्रो यो देशको भविष्य
छर्लङ्गै बितिरहेछ रात बिहान भैरहेछ !
०००
सिड्नी अस्ट्रेलिया
Subscribe
Login
0 Comments
Oldest
