रुद्र ज्ञवालीउसैकाे ओंठ सुक्दैछ
उखेल्दै बाघको जुङ्गा जितेरै मर्छु जो भन्थ्यो सुनेरै स्यालको हुइयाँ उसैको ओंठ सुक्दैछ । गरौं अन्दाज भोलिको नतिजा आउला कस्तो मिठ्याई मुख भान्सामा बिरालो दुध ढुक्दैछ ।
रूद्र ज्ञवाली :
छ हात्ती चालमा आफ्नै भुस्याहा नित्य भुक्दैछ
कसैको हुन्न क्यै घाँटी उसैको मात्र सुक्दैछ ।
घमण्डी स्वार्थको पुत्ला ल हेर्नुस् जात मान्छेको
कुरा संस्कारको गर्दै उँभो फर्केर थुक्दैछ ।
सधैँ जो गर्दथ्यो सेखी र स्वाभिमानको गुड्डी
कसैको पाउमा माथा बिसाई आज झुक्दैछ ।
उखेल्दै बाघको जुङ्गा जितेरै मर्छु जो भन्थ्यो
सुनेरै स्यालको हुइयाँ उसैको ओंठ सुक्दैछ ।
गरौं अन्दाज भोलिको नतिजा आउला कस्तो
मिठ्याई मुख भान्सामा बिरालो दुध ढुक्दैछ ।
०००
भैरहवा
Subscribe
Login
0 Comments
Oldest
