नेपाली हास्यव्यङ्ग्य अनलाइन पत्रिका

ज्ञानुवाकर पाैडेल :

अलि-अलि हो र धेरैनै पो दुःखेछु म !
पश्चातापको आँसुले निथ्रुक्क रूझेछु म !!

“म बाहेक तिमी सुहाउँदो अरू को नै छ र !”
जाबो यति कुरा सोध्न पनि चुकेछु म !!

स्वाभिमानको पर्याय ठान्थे मित्रहरू मलाई !
नझुक्नु पर्ने ठाउँमा व्यर्थै किन झुकेछु म !!

हुँदै नभएको त कहां हो र यहाँ गुणग्राही !
भएकाहरूको नजरमा पर्न चाहिं छुटेछु म !!

फर्केर अब जानुपर्ने कहाँ हो कहाँ थाहा छैन !
कसरी किन पो यो संसारमा आई पुगेछु म !!

०००