मरुभूमि नारायणतिनै उत्तानो पऱ्याछन्
सुनमा सुताइदिन्छु पैसै ओडाइदिन्छु भन्दा पनि खुसी छैन अधरमा अचेल । निधार भरी चन्दन र अक्षता घसे पनि तपाईं चोर नै हो मेरो नजरमा अचेल ।
मरुभूमि नारायण :
हरिबिजोग छ त गाउँ सहरमा अचेल
कुदेका छन् मान्छे रहेरै रहरमा अचेल ।
नखाउन भन्यो ग्यालिन छोड्ने होइन
तिनै उत्तानो पऱ्याछन् बगरमा अचेल ।
भस्मै जो थिए कुम्भकर्ण हिजोअस्ति
तिनै उठ्दछन् पहिलो प्रहरमा अचेल ।
बुढाहरू पाखा लागे युवा विदेश गए
युवतीहरु भुल्न थाले जहरमा अचेल ।
विदेशमा चलिराछ कतिका दुःखहरु
राम्रो संकेत आउँदैन खबरमा अचेल ।
सुनमा सुताइदिन्छु पैसै ओडाइदिन्छु
भन्दा पनि खुसी छैन अधरमा अचेल ।
निधार भरी चन्दन र अक्षता घसे पनि
तपाईं चोर नै हो मेरो नजरमा अचेल ।
०००
तनहुँ
Subscribe
Login
0 Comments
Oldest
